Friday, October 24, 2014
   
Text Size

Deursoek Webwerf (Search)

Biografie

Gideon van Zyl is ‘n liedjieskrywer, musikant en sanger wat al besig is met musiek van sy skooljare af.

As kind het hy onder andere orrel en kitaar gespeel en in die Noord-Transvaalse Jeugkoor gesing. Gedurende die tagtigs en negentigs het Gideon aktief opgetree deur die land. Sy eerste album (Jeshua - 1993) was 'n Engelstalige geestelike produksie wat saam met Johan Kelber van Zamar Studios in Stellenbosch opgeneem is.


In die middle ‘90s het Gideon begin konsentreer op die skryf van kontemporere Afrikaanse musiek tot 1998 toe hy Suid-Afrika verlaat het om 'n werksgeleentheid in Nederland te benut. Daar het hy in 'n orkes "the Swinging Blue Screens" kitaar gespeel en ook gesing. Hulle het rock/popliedjies gespeel en in sentraal Nederland opgetree.

In 2002 het Gideon na Saoedi Arabië verhuis vir 'n werksgeleentheid daar, en begin bas speel en sing saam met die rock-orkes "Consortium". Hoewel kontemporêre musiek streng gesproke verbode is in Saoedi-Arabië, is daar 'n groot Westerse bevolking in die land en die orkes was baie gewild met optredes by ambassades en Westerse "compounds". Gedurende die tyd het Gideon ook as gaskunstenaar opgetree met ander orkeste, onder andere in die buurland van Bahrein.

In 2005 het Gideon verhuis na Dubai in die Verenigde Arabiese Emirates, en daar musiek gemaak saam met 'n groep mense van verskillende kulturele agtergronde. In die groep was ‘n Egiptenaar en Fin. Sy seun, David as ook deel van die groep en het dromme gespeel en ook vocals gedoen. Die styl musiek wat hulle gespeel het, het rock, jazz en popmusiek ingesluit.


Gideon se eerste soloalbum sedert 1993 is in 2008 vrygestel. Vir die album "Murg" het hy weer saam met sy ou vriend en ster-vervaardiger - Johan Kelber gewerk. Die musikante wat saam met Gideon en Johan gewerk het aan die album klink soos 'n wie's wie van Suid-Afrikaanse musiek. Neill Ettridge het dromme gespeel, Mauritz Lotz kitaar, Denny Lallouette die bas en Barry Snyman die saksofoon. Johan het keys en tjello gespeel en was ook vervaardiger. Die produksie het in styl gewissel van Blues tot Rock, Jazz en Folk.

Gideon het na die vrystelling van die cd Murg, 'n groep op die been gebring wat oral in Gauteng opgetree en het ook by KKNK opgetree in 2010.

In 2012 het Gideon besef dat sy gehoor in sy linkeroor besig is om te verswak en hy moes vir ‘n operasie gaan om dit te laat herstel. Die gevolge van die operasie het sy gehoor sodanig aangetas dat hy nie kon optree vir 18 maande nie. Dit en verdere verpligtinge in die buiteland het veroorsaak dat Gideon voorlopig sy musiekloopbaan op die ys gesit het.

Die goeie nuus is dat Gideon nou weer terug is.

Die CD “Naak” wat opgeneem is saam met die Murg orkes word ook nou vrygestel en gaan binnekort beskikbaar wees vir digitale aankope en sal ook beskikbaar wees by optredes.


Die cd “Naak het begin as ‘n akoestiese produksie met vars material wat hoofsaaklik deur Gideon geskryf is. Dit sluit ook ‘n lied - “Bittersoet” in wat deur kitaarmeester en liedjieskrywer Jannie Lategan geskryf is. Die cd het egter verder ontwikkel in ‘n toonbeeld van die samewerking tussen die Murg orkes en Gideon en die klank wat op die cd is, verteenwoordig die organiese benadering tot musiek wat Gideon en Murg kenmerk.

Die orkes wat op die cd speel bestaan uit Jacques Sutton op Keys, Andrew Friend op baskitaar, Jannie Lategan (Ook bekend as Johnny Late) op kitaar, Shannon Sutherland-Clark op dromme, David van Zyl op Backing Vocals en Gideon het akoestiese kitaar gespeel en gesing.

Gideon was die Vervaardiger en die cd is by Riku Latti (ook bekend as Victor Wolf) se studio opgeneem met Riku wat die tegniese versorging en opnames gedoen het. Die finale meng en meester is deur Johan Kelber gedoen.

Gideon is ook nou weer besig om nuwe musiek te skryf en is reeds besig in die studio om nuwe musiek op te neem saam met Theo van Rensburg.

Gideon en is ook nou weer beskikbaar vir optredes.

Gideon beskryf himself as multidissiplinere kunstenaar en is ook ‘n bekende fotograaf in die musiekindustrie. Hy is onder andere betrokke as fotograaf vir die Ghoema toekennings, neem mediafoto’s by musiekfunksies en doen ook portfolios en cd omslag fotografie vir musikante. Saam met sy seun David, bedryf hy ook Rewolusie.com – ‘n ryk mediamaatskappy wat inhoud skep vir interaktiewe webblaaie. Gideon se beroep is Informasie Tegnologie konsultant en hy werk huidiglik gedurende kantoorure vir ‘n Amerikaanse maatskappy.

Webblaaie:

www.gideonvanzyl.co.za

www.rewolusie.com

www.murgband.co.za

Flash Mp3 Player

Ondersteun deur

Banner

Wie besoek ons...

We have 79 guests online

Ranking on ZA Topsites

ZA TOP Sites

Ranking on SA Top Blogs

saTopBlogs.co.za