Thursday, July 18, 2019
   
Text Size

Deursoek Webwerf (Search)

Gatvol

E k weet nie of julle ooit by daai punt kom nie, en miskien is ek net ‘n rustelose siel, maar somtyds kom ek by die punt wat ek net voel dat dit tyd is vir verandering. Ek voel iets is nie reg nie, en dat ietsie moet verander. Deel daarvan is dat ek ‘n beklemmende gevoel kry wanneer ek dink aan iets wat ek moet gaan doen. Date k by die punt kom met sekere dinge dat ek regtig nie met die strooi wat ek vandag moet pleeg hoef opgeskeep te sit nie. Basies word ek gatvol. Nouja – hier is ek alweer by ‘n gatvol punt, en ek weet nie regtig op hierdie stadium van my lewe hoe om daarmee te deel nie, want ek is nog nie reg daarvoor om gatvol te wees nie. Ek het nog ses maande oor voor ek kan bekostig om gatvol te wees.  Miskien kort ek net daai vakansie wat ek myself belowe het en sale k dinge kan opvreet vir nog ses maande. Miskien kort ek om ernstig in die gym uit te kom, en miskien moet ek net my ses maande plan versnel dat ek gouer kan bekostig om gatvol te wees. Miskien. Miskien Miskien...

 

Wanneer voel ek gatvol? Wanneer iemand my stelselmatig na ‘n plek toe vat waar ek nie wil wees nie. Wanneer ek voel dat ek nie meer opsies het nie. Wanneer ek voel dat ek op een of ander manier by ‘n plek is waar ek dinge teen my wil doen. Wanneer  ek voel dat die moeite wat ek doen verniet is. Wanneer ek miskien voel date k nie waardeer word vir wat ek wel doen nie. Soos almal. Ek besef dat sommige mense vir jare van hul lewe by so ‘n plek vasgevang is, en dit maar net opvreet, en aanhou opvreet. Ek is nie so nie.

Nou voor een van julle ‘n Eureka oomblik uitroep en se dat dit is omdat ek in Suid-Afrika terug is dat ek by so ‘n plek staan – Suid-Afrika het niks daarmee te make nie. Ek het by tye so gevoel in Nederland, Saoedi en Dubai. Hier het ek baie meer opsies om verandering te bring. Dit het met my te make. Noem dit maar ‘n weerstand teen outoriteit. Noem dit maar ‘n weersin in manipulasie. Noem dit maar ‘n bebliksemde geen wat ek geerf het. Miskien ‘n bietjie van Tourettes sindroom wat die bebliksemdgeid in die van Zyl uitbring. Miskien dieselfde geen wat die Boer aan die hele Britse Koningkryk middelvinger in die lug laat wys het en hul vryheid laat verdedig het tot aan die bitter einde. So voel ek om my eie emosionele en kreatiewe spasie te verdedig.

Ek sal my nie laat boelie nie, en van hier af moet die boelies oppas. Ek het my Mauser en ek skiet op sig.

Het ek ‘n plan? Ja – ek het baie planne. Maar ek dink eers moet ek daai vakansie beplan...

 

Groete

 

-Gideon-


Gideon van Zyl Written on Tuesday, 24 November 2009 09:13 by Gideon van Zyl

Viewed 6944 times so far.

Rate this article

(2 votes)

Latest articles from Gideon van Zyl


Comments
Search RSS
Yolandi   |Y-m-d H:i:s
Ek voel jou pyn Gideon...sterkte!
Gideon  - My Pyn   |Y-m-d H:i:s
Dankie, Yolandi - ek voel nou al beter. Soms moet ek net kan uitgewoel raak aan die frustrasie.
Only registered users can write comments!

!joomlacomment 4.0 Copyright (C) 2009 Compojoom.com . All rights reserved."

Flash Mp3 Player

Ondersteun deur

Banner

Wie besoek ons...

We have 80 guests online

Ranking on ZA Topsites

ZA TOP Sites

Ranking on SA Top Blogs

saTopBlogs.co.za