Sunday, May 19, 2019
   
Text Size

Deursoek Webwerf (Search)

Baai-baai Simply Slim, Eksplisiete video LMGA!

O Okei, dit lyk my asof my Eksperiment vroegtydig ten einde gekom het. Simply Slim is deur die medisyneraad van die rakke af laat haal omdat dit te veel Subutramienbevat het. En hier gaan ek ter wille van die wetenskap en suip die goed vir meer as 'n maand net om agter te kom dat die goed verbode middels bevat. Okei, soos sommige van my vriende jou sal vertel, is alles wat verbode is nie noodwendig sleg nie, en sommige van hulle sal selfs aandring daarop dat die feit dat iets verbode is juis beteken dat dit verbode is omdat "the Man" al die lekker goed vir homself wil hou. Die jurie is nog uit daaroor en sal sekerlik nog 'n paar eeue lank oor daai ene sit.  

 Gepraat van verbode - David het verlede jaar onder die Murg produksies vaandel 'n video vir Sunette Bridges gemaak wat saamgestel is uit uittreksels van bekendstelling van haar nuwe album. Die video is 'n promosie vir haar nuwe show wat binnekort op die pad gaan en die land vol gaan toer. Nou het Sunette by DKNT gaan kuier vir 'n onderhoud, maar klaarblyklik vind hulle die video 'n bietjie swaar vir die gemiddelde gesin. Nou, ek het die video bestudeer (ok - die rou uittreksels wat by die bekendstelliung geneem is ook), en ek kan heeltemal nie sien waaroor dit gaan nie. Dit is inmiddels baie minder suggestief as die video wat ek eerder die week gesien het van Lady Gaga en ook wel heelwat meer gesinsvriendelik as byvoorbeeld 'n Brittany Spears wat Madonna se longe uitsuig. Daar kan miskien iets gese word van ons editingtegniek, maar wraggieswaar - eksplisiet?

 

Gaan kyk asseblief vir my na die video en se vir my wat julle van dink.

 

 

 

 

Nouja - dit blyk dat daar 'n ander video is wat ons produce het wat ook nie aanvaarbaar is vir televisie nie. Die keer was dit glo die kwaliteit van die video. Vreemd. Gaan kyk gerus na Gerdt Roetz se video en  laat my weet wat on sdaar verkeerd gedoen het. Ek gaan dit nie verdedig omdat dit 'n zero budget produksie was nie (ons het dit gedoen as 'n guns), want dieselfde aandag het daar ingegaan as in betaalde produksies.

 

 

Is dit net ek of is dieselfde monopolistiese mentaliteit wat in die verspreidingsindustrie bestaan ook besig om sy kom uit te steek in die videomark? Ek weet nie. Verltel my eers dat hierdie swak kwaliteit is. Of kom ons vat dit verder - vertel my dat dit swakker kwaliteit is as meer dan 50% van video's wat op dieselfde program verskyn van ander sangers, dan sal ek myself daarby berus. Ek weet ek klink nou suur, maar eintlik raak ek opgestoom daaroor. My video's van Afrikadag en van Ek het nog my lewe word nie gespeel op MK nie, omdat ek kwansuis te oud is om aanklank te he tot die MK generasie, maar Koos Kombuis en Anton Goossen se goed word gespeel. Maar hulle is legends. Dit is fyn, maar nou kan niemand my video's sien nie omdat daar net soos in die ou dae iemand is wat besluit wat ons mag sien of nie mag sien nie basseer op hul eie voordele en voorkeure.  So ek is te oud om goeie musiek te maak? Ek is irrelevant omdat ek gryser is as die lede van Ef-El?

 

 

Sjoe - hier gaan ons alweer. Ander mense besluit weer wat mense kan luister - nie op basis van kwaliteit nie, maar op basis van hoe hulle die mark sien.
Sjeesj!!

Gideon van Zyl Written on Friday, 05 February 2010 12:17 by Gideon van Zyl

Viewed 4154 times so far.

Rate this article

(3 votes)

Latest articles from Gideon van Zyl


Comments
Search RSS
Only registered users can write comments!

!joomlacomment 4.0 Copyright (C) 2009 Compojoom.com . All rights reserved."

Flash Mp3 Player

Ondersteun deur

Banner

Wie besoek ons...

We have 101 guests online

Ranking on ZA Topsites

ZA TOP Sites

Ranking on SA Top Blogs

saTopBlogs.co.za