Sunday, May 19, 2019
   
Text Size

Deursoek Webwerf (Search)

Reise en soetkyse - waarom ek vlieg haat.

R Reise en soetkyse Ek sal baie moontlik die volgende paar dae nie in kommunikasie kan wees nie, so verwag nie om te blog voor omtrent die 19e nie. Ek vertrek more-middag Kaapstad toe vir ‘n dag. Daar sal ek moontlik die bekendstalling van die nuwe Houtstok Radiostasie bywoon, en Vrydag by een van ons klante ‘n draai maak. Die aand vlieg ek laat terug huysitoe, en dan weer 2-uur die middag na Engeland toe vir ‘n paar dae. Ek sal meer van dit vertel wanneer ek terug is. Julle is nog steeds welkom om boodskappe te stuur en my selfoon gaan ook saam, maar ek sal dalk stadig reageer.

 Waarom ek dit haat om te vlieg

Nou vir die van julle wat nie weet nie - ek hou niks van vlieg nie. Dit is nie omdat ek bang is vir vlieg nie, maar eenvoudig omdat vlieg ongerieflik en aaklig is. 

Dit begin al by die voorbereiding - visa reel, verblyf reel, vliegtuigkaartjie reel. Toue staan, toue staan en toue staan. Deel met burokrasie, deel met mense wat nie verstaan dat 'n proses veronderstel is om iets beter te laat werk - nie veronderstel is om te keer dat iets gebeur nie.

Dan die pakkery - wat gaan saam, wat gaan nie saam nie, en dan aan die ander kant - wat het jy vergeet. Dan ry jy lughawe toe - 'n drama met spietkos van Erkhoerlenet Mislikepaliteit wat nek skiet en op ego trips gaan. Dan moet jy incheck, met jou bagasie en dan deur die paspoortbeheer, sekuriteit tot jy uiteindelik in dutyfree is - vir 'n paar uur. Daar loop jy van winkel tot winkel en verbaas jouself dat alles in "belastingvry" twee keer so duur is soos alles buite in die belasting betalende gedeelte van die land. Dan weer in toue staan vir op die vliegtuig klim net om te ondek dat die persoon langs jou nie glo om sy tande te borsel of deodorant te gebruik nie en dan sit jy daar vas vir 'n werksdag lank en moetluister waarom hy so depressief is. Ek kan nie slaap op vliegtuie nie, so dit is selfs nie 'n uitweg om te vlug in slaap in nie. Dan kom jy aan die ander kant en dit is weer sekuriteit, paspoortbeheer, bagasie kry, doeane, en uiteindelik dink jy jy is vry en moet dan 'n taksie of 'n bus of watookal kry om by jou hotel uit te kom en dan uiteindelik kan jy in die hotelkamer probeer opvang met jou slaap.

Wanner jy huistoe gaan is dit dieselfde ou storie.

 

Nee - ek hou nie van vlieg nie

Tot Kyk

-Gideon-


Gideon van Zyl Written on Wednesday, 10 February 2010 12:22 by Gideon van Zyl

Viewed 10960 times so far.
Tagged underKaapstadLondenVlieg

Rate this article

(3 votes)

Latest articles from Gideon van Zyl


Comments
Search RSS
Only registered users can write comments!

!joomlacomment 4.0 Copyright (C) 2009 Compojoom.com . All rights reserved."

Flash Mp3 Player

Ondersteun deur

Banner

Wie besoek ons...

We have 120 guests online

Ranking on ZA Topsites

ZA TOP Sites

Ranking on SA Top Blogs

saTopBlogs.co.za