Thursday, July 24, 2014
   
Text Size

Deursoek Webwerf (Search)

Sonder 'n titel, maar wel met 'n foto.

D ie plasing wat ek op die 6e gemaak het, het baie reaksies uitgelok, en dit was ook die dag met die meeste trefslae vir die webblad. Die Steve Hofmeyr gesprek is nog lank nie uitgepraat nie, en is een van die mees polariserende sake in die Afrikaanse gemeenskap.  Ek dink daar is ’n eenvoudige rede daarvoor. Daar is te veel mense wat voordeel trek daaruit dat die stof nie gaan lê nie. Ek het gisteraand die voorreg gehad om ook die „ander vrou“ in Steve se lewe te ontmoet, en dit versterk my opinie wat ek gister hier gehuldig het dat jy nie iemand ken voor jy hulle eers leer ken nie, en die uitbeelding van ’n persoon in die media is nie die persoon nie, maar net ’n blik op die persoon wat tot die grootste voordeel gaan strek van die persoon wat die blik aanbied.

 

Ek het iemand ontmoet wat vir te veel mense ’n gravy train is, en ek wens vir al die partye betrokke dat die hele storie net verby wil gaan. Ek wens al die mense wat wil „help“ wil net weggaan en toelaat dat tyd mense kan toelaat om gesond te word.

Wie trek die grootste voordeel?

Doen ’n search op google en jy sal sien wie die meeste hits oplewer. Gaan lees blogs wat hul ontstaan grootliks te danke het aan die skandaal, en wanneer hulle hoeveelheid lesers afneem, blerts hulle net iets uit oor Steve en die skandaal, en dan piek hul hoeveelheid besoeke en ook advertensieinkomste. Dit is erg sinies, maar dit is die game. Koerante het net Steve op ’n advertensiebord, en hulle maak weer hul verkoopsyfers. Ek sit iets oor Steve in die titel van my blog, en paf – my blog piek.

Dit is ’n ernstige versoeking.

Ek doen darem selfondersoek hieroor, ander nie. Dit is waarom vandag se plasing sonder ’n titel, maar darem met ’n foto is. Ek weet die foto is irrelevant tot die gesprek... of is dit?  Ek wil iets kwout wat iemand al op 'n keer gesê het. „Dit is net besigheid. Jammer bra, moet dit nie persoonlik opneem nie.“

Ek hoor mense vir iemand gaan in die openbaar en dan probeer hulle volgende week maatjies wees, want dit was "net besigheid". Ek kan dit met moeite doen. Mens boor nie jou pelle nie. Jy kan hulle wel kritiseer, want vriende doen dit.

 

Ek wou nog geskryf het oor gisteraand se SA National Gig Guide bekendstelling, maar ek dink miskien more. Met kiekies.


Gideon van Zyl Written on Thursday, 07 May 2009 20:30 by Gideon van Zyl

Viewed 2042 times so far.

Rate this article

(0 votes)

Latest articles from Gideon van Zyl


Comments
Search RSS
Ida   |Y-m-d H:i:s
Gideon,
Ek hoop en bid elke dag dat hulle tog net vir Steve sal uitlos om aan te gaan met sy lewe, alles gaan oor geldmaak, elkeen wil in cash, en gee nie 'n flenter om hoe seer hulle ander maak in die proses nie.

dankie weereens vir jou inskrywing...
Wipneus   |Y-m-d H:i:s
Hello Gideon! Ek stem 100% saam met alles wat jy sê.

Ek sê altyd die mense ry op Steve se rug. En indien ek verkeerd is, soek ek eers bewyse om die teendeel te bewys
Hier praat ek van die media, blogs en mense...... sies!!!
Gideon   |Y-m-d H:i:s
Wipneus, mense ry ook op Natasha en Janine se rue. Hier kan ek nog die pers tot 'n mate verstaan (dit is hul werk after all), maar die blogs gaan my verstand te bowe. Die joernaliste het 'n basiese verantwoordelikheid teenoor hul koerant om ten minsten...
Only registered users can write comments!

!joomlacomment 4.0 Copyright (C) 2009 Compojoom.com . All rights reserved."

Flash Mp3 Player

Ondersteun deur

Banner

Wie besoek ons...

We have 84 guests and 2 members online

Ranking on ZA Topsites

ZA TOP Sites

Ranking on SA Top Blogs

saTopBlogs.co.za