Sunday, May 19, 2019
   
Text Size

Deursoek Webwerf (Search)

A blog of all sections with no images

Om 'n oorlog te wen sal die "maklike" deel wees. Wat dan?

(5 votes)

KKNK was cool. Regtig cool. Die twee weke wat ek besig was met KKNK, was fenominaal, maar was ook ‘n tyd van impak en gebeure wat die verloop van die geskiedenis kan bepaal.

 

Ek wil graag oor KKNK vertel, maar sal maar in die lig van my vorige paar blogs miskien myself hou by politiek, en miskien iets van my seining oor die politiek. Dit blyk dat my vorige blog plasing wel impak gehad het en wel interessant was vir verskeie mense.

Julius Malema het voortgegaan en sy mond aanhou oopmaak oor die reg van swart mense wat klaarblyklik belangriker is as die res van die bevolking. Demokrasie is klaarblyklik belangriker as menseregte, en die grondwet is klaarblyklik minder belangrik as die idees van ‘n comrade wat ‘n kans sien om populistiese snert kwyt te raak ten koste van die land. Toe word Eugene Terreblanche vermoor en die vonk is teen ‘n tempo op pad na die kruitvat. Miskien was dit onvermydelik, maar die moord op ET maak so veel gevoelens en emosies los.  Aan die een kant ontken Malema alle aandadigheid, ten spyte van waarskuwings dat die vryheidsliede tot haat lei. “Toevallig” kort na die laaste reeks uitsprake en kontroversie om die Kill the Boer liedjie gaan twee jongmense en vermoor die Boer. Die boer wat die boegbeeld van die regse Afrikaner was word enkele ure later vermoor en alema onthen alle skuld. Dit herinner my aan kinders wat geen verantwoordelikheid wil vat vir iets wat hulle fout gedoen het nie, al is al die getuienis daar vir almal om te sien. Aan die ander kant is daar die reaksie vanuit Afrikaner geledere. Groot hoeveelhede Afrikaners voel bedreig en die situasie en verdure uitsprake vanuit die ANC kamp doen niks om die onrus te beperk nie. Die ANC sal alles binne hul mag moet doen om te rekonsilieer, en ek is werklik bekommerd dat hierdie afskuwelike moord die laaste hoop van rekonsiliasie vernietig het.

Read more: Om 'n oorlog te wen sal die "maklike" deel wees. Wat dan?

   

Sal ons 'n wyle politiek praat?

(6 votes)

Ek dink en lees en dink, en kom toe agter dat daar iets besig is om te gebeur, en dit voor ons neuse. Nou ek is nie ‘n siener nie, en ek is nie profeet nie, maar ek kan sien dat daar seine en gebeure en dinge is wat vir my vertel dat die willeperde die ANC gehijack het. Met die babatjie agter in die kar.

Dit is vir my ‘n swaar ding om te se, maar ek sien al meer van die Peter Mokaba-tipe uitsprake wat besig is om kop uit te steek. Van Malema-ismes wat vertel dat die ANC terugkeer na sy roots toe. Na daar waar hy vandaan kom. Dat hulle besig is om te probeer om die waardes wat van hulle suksesvolle boelies gemaak het in die dae voor Nelson Mandela vrygelaat is. Uit die dae toe mense saamgestem het of versier is deur ‘n necklace of as ‘n spy doodgemaak is.

Read more: Sal ons 'n wyle politiek praat?

   

Dekonstruksie van 'n leuen - Deel 1

(7 votes)

Dekonstruksie van ‘n leuen

Daar is nou weer ‘n paar vurige debate aan die gang oor allerhande dinge.  Ek hou van debatte, want dit vertel jou meer oor mense as wat hulle gewoonlik oor hulself wil vertel. Dit vertel jou wie nie luister nie. Dit vertel jou wie se eie opinie belangriker is as ander mense s’n. Dit vertel jou wie ‘n gebrek aan logika het. DIt vertel jou wie se indoktrinasie so sterk is dat hulle alle logika oorboord sal gooi om die doel  te dien. My gunsteling, is die wat enige wetenskaplike bewys as onsin sal afmaak omdat hulle mufti of pastoor of rasieleier of politieke leier of psigiese herdershond van beter weet.

Read more: Dekonstruksie van 'n leuen - Deel 1

   

Vrouedag

(5 votes)

Gister was Vrouedag.

Ek kan nogal verstaan van al die dae wat ons het wat politiese saamtrekke tot gevolg het. Soos Vrouedag, Jeugdag, Dag van Versoening, Werkersdag, Vryheidsdag, Menseregtedag en Erfenisdag. Elkeen van hierdie dae roep ‘n politiese gebeurtenis in herinnering.

Dan is daar natuurlik al die religieuese vakansiedae – of miskien moet ek eerder daarna verwys as vakansiedae wat hul oorsprong in religieuese vakansiedae het. So het ons Paasfees, Kersfees, en natuurlik die dae wat nie polities of religieus is nie soos Nuwejaarsdag.  

Dan kry ons die kommersiële dae wat nie vakansiedae is nie soos Moedersdag, Vadersdag (dankie tog ons manne kry ‘n nie-amptelike dag ook, maar dit is ‘n gesprek vir ‘n ander dag), Valentynsdag.

Uiteindelik het ons die vakansiedae wat net gevier word deur enkelinge. Soos verjaarsdae, troudagherdenkings, die herdenking van die sterfte van ‘n familielid of ‘n eggenoot. Sluit dan in die dae wat ons net vier ter wille van ander nie.

Met elkeen van hierdie dae het ons ‘n ander verbintenis daarmee. Sommige is betekenisvol vir jou as indiwidu, ander is minder belangrik vir ons. Dit hang af van jou verwysingsraamwerk.

Read more: Vrouedag

   

Jeugdag en Kindersoldate

(4 votes)

Jeugdag en kindersoldate

Nouja, gister was jeugdag – nog ‘n heerlike vakansiedag vir ons mense wat nie regtig altyd lus is om te werk nie. Ek verstaan die diep behoefte om mens se helde t evereer, maar daar is ook vir my ander, meer sinistere implikasies in die hele ding vir my.

Read more: Jeugdag en Kindersoldate

   

HKGK - vry vertaal as "Hier kom Jelse Moeilikheid"

(1 vote)

HKGK

 

HKGK – of soos ‘n vriend van my altyd gese het – hier kom helse moeilikheid. Noord-Korea is alweer in die nuus en die keer is dit oor… hulle is alweer stout. Ons gunsteling Internasionale hanswors – Gerhard W Bos – het hulle deel van daai elite-klub die “Axis of Evil” gemaak, en hulle wil maar eenvoudig nie ophou om hulself in die nuus in te tantrum nie. Die keer deur te stel dat hulle ‘n tweede atoombom ontplof het. My eerste gedagte toe ek dit gehoor het was waar hulle plek gaan kry in Noord-Korea om ’n atoombom te ontplof? Hulle land is nie baie groter as Oom Angus se aartappelplaas nie, en uiteraard het atoombomme negatiewe gevolge vir onder andere die genetiese lewensvatbaarheid van jou bevolking. Verdere navorsing (lees Google), het aan die lig gebring dat hulle dit ondergronds gedoen het (so ’n bietjie soos ons vorige regering gedoen het in die Kalahari). Ek dink nie dat die kerntoetse wat ons gedoen het enigiets te make het met die ontstaan van sokkie musiek in Suid-Afrika kort daarna nie, maar uiteraard sal die ontstaan van vyf duisend nuwe platemaatskappytjies in mense se agterjaarte in Noord-Korea ’n definitiewe aanduiding wees dat mens nie langer die gerugte (gerugte is dat die gerugte versprei word deur die CIA) kan ignoreer nie.

 

Vandag gaan daardie internasionale kommitee wat dink dat hulle die wereld beheer bymekaarkom in ’n noodsitting oor die situasie. Die vaste lede van die gebrek-aan-veiligheidsraad sal dan weer moet besin oor wat hulle kan doen om Pyonyang weer in lyn te probeer kry. Die grootste uitdaging is uiteraard om ooreenstemming te kry oor wat om te doen. Ek dink dat Engeland na Irak nog steeds nie gaan lus wees vir oorlog nie, en gaan voel dat Pyonyang baie hard mee geraas moet word. Die Franse sal hul hande in die lug gooi en Korea van allerhande aaklighede beskuldig soos dat hulle hul steak te gaar maak, en dan ‚n middagslapie vang na middag-reses. Die Russe sal lank daaroor nadink oor ’n bottel vodka en dan hul hoeveelheid atoomwapens stilletjies verdubbel sodat hulle  Korea heeltemal van die planeet kan afvee as dit nodig sou word. China gaan klein plastiek atoombom modelletjies maak wat in Noord-Korea verkoop kan word as kaggelkakkies vir toeriste. Amerika sal ’n handelsmissie stuur na Pyonyang en probeer om hulle te oortuig dat hulle ’n McDonalds in elke voorstad sal bou as die Noord-Koreane ophou om bomme te maak. Die Suid-Afrikaanse ANC-afvaardiging sal enige sprake van sanksies ten sterkste afkeur op gronde daarvan dat sanksies nie werk nie en net die armes benadeel. Dit het net ind ie geval van Suid-Afrika gewerk, omdat... omdat... aag jel – ek het weer vergeet waarom die groot oorwinning deur sanksies gekom het.

 

Wat dink julle gaan gebeur van hier af? Dink julle dat ons ’n internasionale krisis ingaan van wereldoorlog proporsies? Dink julle dat hierdie Armageddon word? Dink julle die Amerikaners sal weer ’n Irak (waar is daai wapens van massavernietiging nou weer weggesteek) aangaan? Wat sal die Duitsers doen – weer nie oorlog wil maak nie? En dan natuurlik – wat van die Japanners – as die enigste land in die wereld wat al aangeval is met ’n atoomwapen en binne trefafstand van Noord-Korea is – sal hulle net stilsit terwyl Noord-Korea al meer aggressief word?

 

Tot Kyk

 

-Gideon-
   

Page 1 of 2

Flash Mp3 Player

Ondersteun deur

Banner

Wie besoek ons...

We have 93 guests online

Ranking on ZA Topsites

ZA TOP Sites

Ranking on SA Top Blogs

saTopBlogs.co.za