Tuesday, January 27, 2015
   
Text Size

Deursoek Webwerf (Search)

Gideon van Zyl

Optredes

Die eerste optredes is op pad:)

 

Die 12e Augustus doen ons die launch. DIt is sommer 'n kompendium van pret wat ons beplan, met al 12 die liedjies van Murg waarmee ons live sal optree met die band, die bekendstelling van die nuwe video van Afrikadag, en dan ook vir die wie dit nog nie gesien het nie, 'n screening van die video van Ek het nog my lewe. Moet dit nie mis nie. Dit gaan my eerste optrede in Suid-Afrika wees in meer as 10 jaar, maar gaan verseker pret wees.

 

Die 23e Augustus tree ons op by die Waenhuis in Betlehem.

 

Ek sal meer laat weet van waar kaartjies geboek kan word en hoe alles gaan werk, maar julle is natuurlik welkom om vir my 'n e-pos te stuur vir meer inligting. Gaan na kontakte toe hier bo en ons vat dit van daar af.

 

Groete uit die Erdepot

 

-Gideon-

 

Die lewe gaan aan vir die wie agterbly

(0 votes)

Die afgelope twee weke was kompleks.

 

Ons het nie net uitdagings gehad met 'n span verwers wat in en om ons huis rondgehang het nie, maar my stiefpa, Ghandi van Heerden is verlede week oorlede. Ek verstaan nie altyd die goed nie, maar ek dink nadat hy vir byna 8 jaar teen allerhande ellendes in sy liggaam geveg het, was die geveg verby. Ek vlieg vanmiddag terug Kaap toe vir die herinneringsdiens moremiddag. Dit is maar deurmekaar, maar ten minstens het my Ma kans gehad om voor te berei. Anders as so baie van my vriende en familie wat te vroeg weggeneem was, dink ek nogal dat dit sy tyd was. Ek kon verlede naweek ook 'n paar uur by hom spandeer in die hospitaal. Ek is okei met alles, maar ek dink nie dat mens ooit oor die weggaan van iemand kom nie. Nie heeltemal nie.

 

Dus gaan die lewe aan vir die van ons wat agterbly. Die video is voorgele aan al die partye, en op hierdie stadium het ons bevestiging gekry dat dit goedgekeur is vir Kyknet, maar nie vir MK nie. Ek is glo te oud. Go figger. Miskien verander ek nog die inskywing later, maar op hierdie stadium is ek redelik verbyster deur die afkeuring van MK as ek soos ek hier sit deur my gedagtes laat gaan watter video's ek die laaste paar weke op MK gesien het. Aag nouja. Ek verander die inskrywing later as ek tot my sinne kom.

 

Ons begin met die nuwe video op die 28e. EK het helaas vergeet van die Inniebos fees, en dan is daar ook nog 'n hele paar van my vriende en kennisse wat ek graag in die video sou wou gebruik wat Londen toe gaan vir 'n ding daar. Dit is nie so erg nie, ons hoef nie die formaat baie aan te pas nie, en die video sal nog steeds sterk wees. Die video is vir "Afrikadag". Dit is een van die sterkste liedjies op die cd, en ek weet dat as die werk wat ons op die video gaan doen uitkom soos ons dit visualiseer het, gaan dit gatte skop.

 

Nouja - laat ek gaan pak vir die vlug.

 

Groete

 

-Gideon-

   

Die nuwe video

Die video van Ek het nog my lewe is gereed!!

http://www.youtube.com/watch?v=Z9H7UTdqUFY

 

Groete uit die Blou Huis

 

-Gideon-

   

Vinnige nuus

 

Hoi almal!!

 

Nog steeds chaos hier. Nuus is dat ons lewe nou so stadig maar seker bymekaar begin kom na dfie groot trek. Die video is byna gereed. Ek het gister die voorskou na Lydia Winchester (my PR) geneem om na te kyk en sy hou baie van. Ek het die foto's probeer opstel, maar die webenjin wat ek gebruik hou nie so baie van die webbrowser wat ek van die Mac af gebruik nie. Ek sal weer probeer op 'n stadium van 'n PC af. 

 

Ander nuus is dat die band besig is om vinnig vorm te neem. Theo van Rensburg het ingestem om kitaar te speel. Vir die van julle wat nie vir Theo ken nie - hy is 'n puik sessie en live kitaarspeler e speel onder andere in die befaamde Bushrock band van Anton Goosen. Ons nuwe pecussionis is Leon Ecroignard. Hy is eintlik by meerdere mense bekend as bassis en is ook 'n uiters bekwame trompet en tromboonspeler. Natuurlik is Johan Kelber op die Keys en ek speel bas, ritmekitaar en die stembande. Boek ons NOU!

 

Haha - okei - dit is dit vir vandag.

 

Groete uit die Blou Huis

 

-Gideon- 

   

Video

Hoi Almal!

 

Saterdag die 10e Mei word die eerste "amptelike" video opgeneem in Pretoria. Dit is van "Ek het nog my lewe" en daar is 'n paar verrassings tussenin. Ons gaan saam met 'n paar kleurvolle karakters saamwerk met die video, en ek is seker julle sal die finale produk geniet. Ons laat meer weet a Saterdag met foto's by (ja, ek weet ek belowe altyd foto's, maar die keer is dit njannies so).

 

Groete uit die Blou Huis

 

-Gideon-

   

Page 31 of 33

Flash Mp3 Player

Ondersteun deur

Banner

Wie besoek ons...

We have 49 guests online

Ranking on ZA Topsites

ZA TOP Sites

Ranking on SA Top Blogs

saTopBlogs.co.za