Gideon van Zyl

Lees ek vanmore in die Rapport ‘n storie oor Div oftewel Snorman de Villiers. Dit het vir my baie verduidelik. Iets oor sy chip op sy skouer en iets oor die manier wat hy na dinge kyk.

Ek het empatie.

Ek moet erken dat ek gereeld probleme het met sommige van sy spankeuses (byvoorbeeld sy agterlyn in die laaste Springboktoets teen die Leeus), maar daar is ‘n verskil daar tussen om iemand te kritiseer oor spankeuses en om van hom ontslae te raak as coach. Ek dink hy is die beste ding wat met Suid-Afrikaanse rugby gebeur het in jare. Natuurlik sal ek baie van julle se wrok op die hals haal deur so ‘n stelling, maar ek kan ook dit wat ek sê verdedig.

Vrydag - Uiteindelik!!

Die chaos stop nie, maar gisteraand het ek ‘n bietjie van ‘n break gekry om net asem te haal. Ek hou daarvan om besig te bly maar sommige dae is net so ongelooflik druk dat ek wil smeek dat die lorrie net so ‘n bietjie mote stop. Woensdag was nogal hersteltyd vir my na die Battle of the Bands van Dinsdagaand, en Woensdagaand het ons ons normale gig gedoen by Liedjieboer. Dit was ‘n bietjie stillerig gewees , en ek was baie moeg, en die energie was merkbaar afwesig. Die lekker verrassing was dat da Mario en Karin opgedaag het, ek ons het darem kans gehad om ‘n bietjie te kuier. Dit was nogal gaaf gewees met my Susanna wat ook daar was. Woensdagaande by die Liedjieboer bly vir my maar ‘n fondasie-gig. Ons is tuis en by die huis daar.

Die groot nuus van die afgelope twee dae is dat Murg effektief deur is na die semi-finale van die Klipdrift Battle of the Bands. Die bands wat in die laaste rondte speel Dinsdagaand die 14e sal ‘n groot haas uit die hoed moet trek om ons uit daardie posisie te speel. Ons he took gisteraand ‘n celeb judge gehad in Gerrie Pretorius wat daar was. Ek weet nie of dit ons gehelp het of nie, maar dit was nogal cool om hom te ontmoet, en eerlik gesproke het hy met sy sinvolle kommentaar op sommige van die swaarder rock bands my respek gewen. Hy is baie meer as net ‘n Bles Bridges kloon of Swing sanger.

My uitkyk dat die publieke persoon en die persoon self twee verrassend verskillende persona's is het alweer vir my kom keelskoonmaak. 

Wat ‘n wilde tyd die laaste paar dae!! Vandat ek laas geblog het het ek eerlik gesproke nie kans gehad om te blog nie. Nie omdat ek nie probeer het nie, net omdat ek die hele tyd uit besig was. Okei – Saterdag gedurende die rugby kon ek seker geblog het, maar – dit was rugby.