Blog

Die lewe is soms vol vreemde kompromieë. Een van die kompromieë is dat ‘n mens soms moet goed nadink oor wat in die belang van vriendskap is, en wat in eiebelang is. Ek probeer om die belang van vriendskap eerste te stel, maar dit is nie altyd so eenvoudig nie. Wat as mens byvoorbeeld twee vriende het wat rusie met mekaar het? Wie se kant kies jy? Volgens my kan jy nie een van die twee se kante kies nie. Daar is nie kante, net die vriendskappe.

Die groot nuus en storie in my lewe was alweer rugby. En wat ‘n wedstryd!!! Morné Steyn se vertoning was merkwaardig nadat Ruan Pienaar redelik gemiddeld was met die skopvoet.

Verder was die naweek redelik roetine. Vrydagaand was ons weer by Roosters en Saterdagoggend het ons gewerk aan die drie liedjies vir die Battle of the bands waaraan ons weer gaan deelneem op Dinsdagaand die 7e Julie. Meer daaroor later.

Ons het al weer Vrydag bereik. Die week was besonders besig, met allerhande interessante debate en gesprekke wat gevoer was in die media maar ook in mense se huise, in kroeë, in kerke in restourante en allerhande interessante plekke.

Ek kon die week nie blog nie as gevolg van die opgradering en herontwerp van my webblad en dit het gevoel asof daar iets ernstigs fout is in my lewe. Blog is verslawend, maar dit is ook bevrydend wanneer jy dinge wat in jou kop rondhardloop kan deel met ander mense. Woensdagaand se gig by die Liedjieboer was weer soos altyd soos om in jou voorkamer te sing, gisteraand se bekendstelling van Wynand Windpomp se nuwe cd was ‘n paartie en twee bekendes sterf. Dan net vir die prêt daarvan, wil ek ook graag my mening lug oor die borsvoeding-in-openbare-plekke debat. Hierdie is ‘n lang blog plasing, want ek het baie om mee op te vang.

Vrydagaand was ons rustig tuis, maar Saterdagmiddag he tons na die Liedjieboer gegaan om die game tussen die Bokke en die Lions te gaan kyk, en watse game was dit nie. Die ding is seker al ten dode toe geanaliseer, maar laat ek ook maar net sê date k ernstig gestres was in die laaste paar minute. Ek sien dat Onse Div darem erken het dat hy ‘n fout gemaak he tom so veel sleutelspelers aan die einde te vervang, maar daar bly nog baie vrae. Soosbyvoorbeeld hoe dit is dit die plaasvervangers klaarblyklik nie deel was van die plan wat ingeoefen was nie. Ek meen – as ‘n plaasvervanger inkom, moet hy mos kan plaasvervang?